Ministry of AYUSH, Govt. of India buatsaihin ni 25.8.2023 khan Guwahati ah W.Bengal leh North East states ho tan Regional Review Meeting on AYUSH Programmes, Guwahti, Assam ah neih ani a. He hunah hian Mizoram atangin Health & Family Welfare Minister, Principal Secretary Esther Lal Ruatkimi, IRS leh Deputy Director, AYUSH Dr.S.Mara Thansiami te an tel a.
He review meeting hi Rajesh Kotecha, Secretary,AYUSH, Govt. of India in kaihruaiin NE state a AYUSH dinhmun tlangpui report a pe a, Assam Chief Minister Himanta Biswa Sarma in state officials te lawmna thu a sawi a, Dr.Munjpara Mahendrabhai Kalubhai, Hon'ble Minister of State for AYUSH leh Union Hon'ble Minister of State for AYUSH Sarbananda Sonowal ten thu an sawi bawk.
He meeting ah hian NE States leh W.Bengal states a Health Minister te an kal kim hle a, Principal Secretary, Esther Lal Ruatkimi'n Mizoram in National AYUSH Mission a kal pui chhoh dante, hmalakna hrang hrang kal mek leh hmachhawp awmte report a pe a.
Health & Family Welfare Minister in 'Kum 2014 atangin National AYUSH Mission hi Mizoramah kalpui tan choh nimahse vawiin ni ah chuan India ram state a Small state zingah ati tha ber an nih theih thu te, chumi avanga Ministry of AYUSH lamin an duhsak bik zia te a sawi a, khum 50 awm theihna tur 50 Bedded AYUSH hospital Aizawl-a sak an phalsak thu te, sum te pawh Ministry lamin I installment an release tawh thu leh State sawrkarin chak taka hma alak mek thu te a sawi a, hemi bakah hian khum 10 awmna tur 10 Bedded AYUSH hospital Saituala sak tur state PWD kuta an hlan tawh thu a sawi bawk.
Health & Family Welfare Minister chuan Govt. of India duhdana Health Sub-Centre 38, AYUSH Health & Wellness centre a hlankai vek anih tawh thu leh tha taka an function tawh thu te, NABH accreditation hmuh thuai an beisei thu a sawi bawk.
Health & Family Welfare Minister chuan State Medicinal Plants Board hmalakna leh hmasawnna chungchang sawiin State Medicinal Plants Board, Mizoram chuan Research and Development lamah nasa taka hma la in, Mizoram a Ramhnim Damdawi awm ang ang te zirchian na chu Mizoram University nen țang kawpin alo nei tawh thin a, neih chhunzawm zel an tum thute, Ramhnim damdawia hman țhin riral mai tur leh vang tak tak țhenkhatte chu humhalh a nih theih nan SMPB leh Krishi Vigyan Kendra, Dept. of Agriculture te chuan Nursery ah tihpun hna an thawh mek thute, State Medicinal Plants Board kal tlanga, Ramhnim damdawi alo hlut a awmze nei zawk a chinpun leh hralh chhuah a nih theih nan Storage Godown, Processing Unit, Rural Collection Centre leh Value Addition Infrastructure-te ruahman belh zel anih thute leh Ramhnim damdawi chawilar nan leh a hlutna in zirtir nan District 4 (Pali) a School 52 – ah School Education Department nen tangkawp in School Herbal Garden siam mek a nih thu te a sawi bawk ani.
He review meeting ah hian W.Bengal leh NE state a official kal khawm ten National AYUSH Mission tha zawk a kalpui dan tur ruahmanna hrang hrang an neihte an sawi ho ani.
